Gerum kraftaverk

23.7.2007 | 00:41

Freysi - ég mæti !

Sælir bræður,

Gaman að Örninn skuli hafa hent upp blogsíðu fyrir okkur félagana. Nú er um að gera að fara að láta heyra í sér og koma mönnum í gírinn fyrir TV2007 þar sem engu verður til sparað en eins og kom fram í póstinum um daginn þá vorum við Örn ekkert að spara til með dagskrá helgarinnar og bæði splæstum í stórt atriði á einni kvöldstundinni og svo réðum við mann í vinnu við að halda utan um mótahald þar sem að það verða nú tvö stórmót þetta sumarið.

Nú bíða menn bara spenntir að heyra frá þessum óákveðnu og reyndar eru sumir ekki alveg sannfærðir um okkur alla sem höfum boðað komu okkar. Allavega hitti ég Freysa í Smáranum í vikunni og hann var enn að spyrja hvort ég myndi mæta. Spurning hvort að hann taki ekki rúnt framhjá húsinu mínu í upphafi helgar til að tryggja að ég hafi farið af stað ;)

Ég trúi því að það verði 100% mæting þetta sumarið og hlakka til að sjá ykkur á Höfn.

.... svo er um að gera að við höldum þessari síðu vel lifandi.

Kveðja úr stórborginni,
EÁJ

Flokkur: Bloggar | Facebook